Dikhljaripe e nevipengo ko 12 00h

Žoj, 9. avgusti 2012.

BEOGRAD – Prezidento Thagarutnako Srbia Ivica Dačić thaj šefi UNMIK/esko Farid Zarif eavazinde ano Beogradi kaj sa reso e problemesko ano Kosovo thaj Metohia manglape te ovol ano jekhipe e Rezolucia 1244 Konsili arakhibasko KN thaj kaj manglape te verifikuinol ole Konsili arakhibasko KN. Adikaribe e jekhrigake potezenda sito čhinadipe e tehnipasko thaj adikarde stabilipasko, dendili nota ano bešipe. "Numa čačuno reso garantuinela sajekh stabilipe ano Kosovo thaj Metohia", denga nota Dačić thaj sikavgja bajo so rodipe kotar ilegalno marketi e manušikane trupeske kotorenca ano toki konflikti ano Kosovo na gelo angle thaj so ano Kosovo si baro bijekhipe kotar dudljaripe odole mudaripasko.

BEOGRAD – Adikaribe phande thaj amalipaske relacie Srbiake thaj Republikake Srpska ano sa sfere djivdipaske sito angluno klaseski nacionalno buti, garanti sito e stabilipasko thaj anglalipe e pošukar avutnipasko, eavazinde prezidentja Srbiako thaj Republikako Srpska Tomislav Nikolić thaj Milorad Dodik. Nikolić ano vakeribe e Dodikea ano Beogradi vakargja kja manglape te ovol jekhipe e Dejtonsko tehno haljoviba, dži kaj dodik vakargja kaj Republika Srpska ka lundjarol te kerol promocia pačavibaski Rezoluciaki 1244 kotar Kosovo, mothavdilo kotar pres servisi prezidentesko Srbia palo bešipe adikardo ano Prezidiumi Srbiako. Nikolić e Dodikeske vakargja kaj gatisarela nacionalno strategia vaš Kosovo thaj Meothia, vakeriba kaj dži akana Srbia na ka iklisti e konkretno planea, već numa denga djevapi pedo rodipe aver rigako.

BEOGRAD – Prezidento Parlamentesko Nebojša Stefanović idž ano bešipe e javerutne ambasadorea Bara Britaniako Dejvid Mekfarlajn vakargja kaj nevi thagrutni Srbiaki ka pačal obligacie kotar džiakanutne vakeribasko Beogradi thaj Priština. Sar vakardo kotar Parlamenti, Stefanović vakargja kaj "na ka oven prmibe ano leline obligacie, ikliste kotar džiakanutne vakeribe, sar ini kaj amari pozicia formirimi ani Rezolucia Konsili arakhibasko 1244, a adjahar odova ka ovol ini ano avutnipe".

BEOGRAD – Ministri finansiengo thaj ekonomiako Srbia Mladjan Dinkić vakrgja kaj penzie ka oven rndono pokime thaj vakargja kaj majuškavde penzioneria ano septembri ka len angluni rata 13. penziaki. Angluni rata 13. penziaki e 17. dži 19. septembarea ka len sa penzioneria kaske penzie nane pobare e 15.000 dinarja, vakargja ov ani konferencia vaš žurnalistengi Ministribaski finansiengo thaj ekonomiako. Dinkić vakargja kaj arakhle love vaš rndono pokibe penziengo thaj vakargja precizno kaj ano Ministribe finansiengo dikhlja kaj haljovibaske jase ano toki siton vakeribe vaš udžulipe ano barvalipe e duj milijarde evra.

BEOGRAD – Kancelaria Thagarutnaki Srbia vaš Kosovo thaj Metohia mothavga idž kaj sa pobut si pedozaralipe ano Kosovo savo pindžarga Khedutne nacie ano raporti generalne sekretaresko Ban Ki Mun, thaj rodingja te arakhenpe ini djevaptune vaš pedozoralipe thaj bibajo prekal manušikane hakaja. "Maškarthemutni khupatna siola djevapibe manušikane hakaja save anavde pere dizutnenge te anavol thaj te ulavol e savorenca save ano Kosovo thaj Metohia djivdinena, a ulavde e Srbjenca thaj aver bialbancjenca save, sar vakarena šaj te dikhenpe ano raporti Ban Ki Mun, siton viktime e pedozoralipaske thaj tradipaske", phenelape ano mothovdipe kotar Kancelaria. Barvalipe e civilizuima lumiako musaj te ovol sakote ini ano Kosovo, vakardo kotar Kancelaria. Kancelaria, kotar raportigeneralne sekretaresko KN Ban Ki Mun kotar arakhibaski situacia ano Kosovo, lepargja kaj Srbia beršenca vakargja kaj si planesko tradipe, ano sa bijekhipe prekal manušikane hakaja, a na prekal pharo inaribe e našutnengo thaj rumibe e raštrake thaj pravato manginesko.

GNJILANE - Stanko Trajković (80) kotar gav Pasjane uzo Gnjilane registruinga Kosovaka policiake kaj idž paše 14 sahathja, dži sine e gurumnenca ano gav, bipindžarde džne marde ole a kaj saebepi čalavdipe ano šero šov sahatja ačhilo ano bigodjako nasvalipe ani niva thaj khera inardilo ano 20 sahatja. Sar e agenciake Beta vakarde džene save dikhle, Trajković identifikuingja egezekutoria sar Albancja kotar pašutno gav Vlaštica save našti sine ulavde te pindžarol, a save ano atako istemalkerde sastrn e gurumengo savea kerde oleske čalavdipe ano šero. Stanko Trajković, arakhlo ani divutni klinika ano Sasljaribasko centri ano Šilovo uzo Gnjilane kote sivde olesko šero. Idž sinole atako ini Blagoje Kitanović (60) kotar Pasjane, a ano odova gav savo sito jekh e majbare srbikane gavenda ano gnjilanako than si baro bijekhipe.

BEOGRAD – Nakhlo prezidento Egzekutivne šerutnipasko Agrobankako Dušan Antonić savo idz našto phando ano samatrendako than Rača, vakardo e Betake ano MAB Srbia. Daviutno vaš organizuimo kriminali Miljko Radisavljević vakargja kaj phande džene Agrobankake thaj duj privato firme save ani odoja banka siolen udžulipe pobut e 530 milionia dinarja.

Beta

Aver artiklia: