Dikhljaripe e nevipengo ko 17 00h

Marsi, 7. avgusti 2012.

BEOGRAD - Prezidento Srbiako Nebojša Stefanović sikavgja adžukaribe kaj parlamenti sig ka verifikuinol platforma vaš lundjaripe e vakeribasko kotar Kosovo thaj kaj ka dikhol sa dži akana ando haljovibe ano dijalogi Beogradesko thaj Prištinako telo patronati Evropaka uniako. "Semno sito Parlamenti te vakarol kotar odova so ka ovol procesi vakeribasko, so ka ovol odova so džene save vakarena ini ka keren, sa te vool vakardo kotar sakoja faza vakeribaski", vakargja Stefanović ano intervju vaš agencia Beta. Stefanović vakargja kaj dizutne Srbiake pobut džanena so sito reso vakeribasko, so sito buti, so platforma thaj so odova so on ano avutnipe ka keren. Prekal oleske lafja, semno sito o dizutne prekal Parlamenti te ovol olen šajipe vaš sa kontrola, so angle na sine.

BEOGRAD/ŠABAC - Eparhija šabačko vakargja te sine kaj ispatuinelape kaj rašaj Branislav Peranović mudargja čhave ano Centri savo alo te cidolpe e drogata ano gav Jadranska Lešnica uzi Loznica, ano procesi ka ovol ini khangirako krisi. Ani Eparhia vakarena kaj olesko akharibe ano odova procesi konsekvenca rašajteske aktesko dondunte Peravnoćesko, sar ini kaj centri kasko Peranović direkciako dženo na sine ano jekhipe e khanigra. Ani Srpsko pravoslavno khangiri ano Beogradi e agenciake Beta vakardo kaj odova centri uzi Loznica kergja buti uzo pačiv e Eparhiako šabačko. Dženo savo ano Centri vaš cidipe e drogata Nebojša Zarubac (39), bijando ano Valjevo, arakhblo aratike mulo ano kher ano manginutnie e Branislav Peravnovićesko, dur duj kilometaria e centresta kote sine. Prekal biverifikuime informacie, Peranović sinole dodno kaj odova dženo angja droga, khuvga ole sastrnea ano šero thaj mudargja ole. Oleske dendo policiako adikaribe dži 48 sahatja. Rašaj Branislav Peranović ani publika pindžardo 2009. palo maribe dženengo ano Rehabilitaciono centri "Crna Reka".

NJUJORK - Rejting agencia Standard i Purs (Standard&Poor`s, S&P) tiknjargja rejting lungorokesko thaj harnorokesko biphanglo udžulipe e Srbiake ani avruni thaj kherutni moneta vaš jekh niveli, pedo BB minus e negativno dikhipe. Sar phenelape ano mothovdipe, tiknjaribe rejting sikavela dikhipe Standar thaj Purs kaj nevi srbikani thagarutni na sinola sig te avazinol napja save ka inaren fiskalno stabilipe thaj akanutno pačiv ani monetarno politika. Odova bilačharela već semno avtune thaj andrune presia pedi srbikani ekonomia, vakardo thaj vakarelape kaj prmbia Kanuni kotar Themutni banka Srbia ka tiknjarolpe biphanglipe e centralno bankako so šaj te anol dži politizacia monetarno politikaki.

BEOGRAD - Ministri finansiengo thaj ekonomiako Srbia Mladjan Dinkić phenga kaj tiknjaribe kreditno rejting sa fundono adžukaribe soske Srbia siola rekordno budžetesko deficiti thaj publikako udžulipe e 55 šelestsar bruto thaj kherutne produktjengo. Dinkić e žurnalistenge ano Ministribe finansiengo thaj ekonomiako ano Beogradi vakargja kaj odova haosi ano publikake finasia kergja nakhli thagarutni thaj kaj buti e neva thagrutnaki odova te lačharol. Ov vakargja kaj MInistribe finansiengo thaj ekonomiako ka gatisarol plani fiskalno konsolidaciako kaske anglune saikeribe e publikako ka oven prezentuime tahara, a ano Parlamenit Srbiako ka arakholpe ano septembri.

LEPOSAVIĆ - Džene germaniake kontigenteske Kfor popale avdive blokirime alternativno drom prekal Tresava, savo e administrativne thanesta Jarinje ani komuna Leposavić ingarela dži policiako punkti Rudnica. Odova drom askeria taharako deblokirime soske phande sine ano nekobor dive. Dženo Komunake šerutnipasko ano Leposavić Zoran Milojević phenga kaj "vakargja e djevatpunte dženeca kotar Kfor, numa kaj olenda na lela mothovdipe soske drom popale avdive blokirimo". "Na lelum djevapia pedo odova pučipe, numa vakardo mange kaj Kfor kerela pedi direkcia para komandaki", vakargja Milojević thaj vakargja kaj reso problemesko vaš akana na dikhelape. Blokirimo sito ini aver alternativno drom prekal Vučja Rupa savo kotar drom Jarinje ingarela prekal Rudnica, ini odova prekal informacie kotar tereni, kerde džene turkiake kontigenteske Kfor.

PRIŠTINA - Premijeri Hašim Tači thaj Ivica Dačić ka oven "legardutne politikake dijalogeske" Kosovo thaj Srbia, heraminela nevipe Koha ditore. Akharibe pedo diplomatiake haniga, nevipe hraminela kaj učo reprezentatori Evropaka uniako vaš avruni politika thaj arkahibe Evropaka uniako Ketrin Ešton, ano maškaribe e amerikake raštrake sekretarea Hilari Klinton gatisarela "platforma normalizacia e relaciengi Kosovo thaj Srbia", savu manglape te len duj prezidentja thagarutnake. Prekal nevipe, dijalogi manglape te lolpe ano oktobri, a šefja diplomatiake EU thaj KAR siton itneresuime dijalogi te agorisarolpe dži agor akale beršesko.

MOSKVA - Prmibe Kanuni kotar Themutni banka Srbia savo ano savato avazinga Parlamenti Srbiako, odoja anka našalgja biphanglipe, dela nota moskvako nevipe Komersant. Ano teksti telo anav "Themutni banka phuvuaki našalela biphanglipe", lil hraminela kaj prmiba kanuni "sar dikhelape sito opipe norme save siton ano zorale ani EU". Nevipe hraminela kaj srbikano parlamenti zorakargja kontrola pedi TBS, formiriba kontrolno organi, djevaptuno vaš koordinacia maškar banka thaj aver ogania. "Cidipa bankako biphanglipe ka ovol šajipe indirektno te ovol subvencie ano budžetesko hardžipe thaj te ačhavolpe barjaripe raštrake udžulipasko, numa npaja vaš maribe opipe recesia siton opipe na numa rodipe EU kote Srbia mangela te khuvol 2015. već ini Maškarthemutno monetarno fondi kotar legardutne nadur planirinena te roden krediti", hraminela lil.

BEOGRAD - Prezidento Unia pekaria Srbia Zoran Pralica phenga kaj adžukarela kaj Thagarutni akale kurkeste ka dol te ovol pobaro molipe e marosko, e akanutne 44 pedo 54 dinarja vaš jekh kotor. Ov e agenciake BEta vakargja kaj pekaria kotar odova ka vakaren e Ministriba ekonomiako thaj kaj adžukarena kaj Thagarutni Srbia ano žol ka dol avazipe. "Prpduktibaske džene maroske gndinena kaj realno molipe e marosko sito 60 dži 65 dinarja, numa prekal konsultacie ale dži odova kaj molipe manglape te ovol 54 dinarja", vakargja Pralica, akhariba pedo pobaro molipe e givesko thaj varosko.

Beta

Aver artiklia: