Dikhljaripe e nevipengo ko 12 00h

Žoj, 19. juli 2012.

NIŠ – Roma evakuišime kotar Novi Beograd, idž palo paše trin masek lele poani ano jekhavaktesko bešipe – ano muklo magacini nišeska fabrikako «Vulkan». Palo evakuišibe kotar Beogradi pandž romane familie bešena ano magacini kote masekenca djivdime bi elektrika, kanalizacia thaj pajnea. Butikerdutne kotar nišesko pansesko sistemi idž mukle pani ano magacini kote on bešena, pali intervencia dizake čekatunesko kotar Niš Zoran Perišić, a palo nekobor apelia e nekobor bithagarutne organizaciengo. Romane familie ko agor e nakhle masekesko vizitime ini reprezentatoria organizaciake AI . «Jekh e čhnidipasa vaš soske biformalno bešipaskot han Belvil muklo sito so higijena na sine ano čaljaribasko niveli numa ini kaj akala džene evakuišime ano objekti kote nane arakhle nisave pošukar forme vaš higijena adjahar kaj siton ano jekha jekh bilačhe čhinadipe»m vakargja Miloš Bogičević kota AI.

BEOGRAD – Prezidento Srbiako Tomislav Nikolić pheng akaj e dizutnenda garavdo kotor haljovibasko e Prištian ano Briseli thaj kaj «odole biagorisarde resliba» Beogradi ini kokoro «agorisinela biphanglipe Kosovako». «Garavdo kaj ano khedipe anglo Albancja šaj te ovol hramibe numa Kosovo e čehrania, bi fusnota. Hovavibe ini kaj rbja ani šudri rig KthajM našti te lol registarsko tablice, a čhindipe vaš odova te hraminenpe sar raštrake džene Kosovake. Si ini dujgndipe kotar integrišimi direkcia ano samatrendake thana», vakargja Nikolić ano intervju vaš Večernje novosti e žojesko. Ov phenga kana formirinelape thagrutni, ka khedol sa save siton semno ani Srbia sebepi te kerolpe jekh platforma vaš dijalogi kotar Kosovo, sar ini kaj ka rodol ano avutne poolitikake vakeribe kotar kraina paše EU te oven ini Khedutne nacie. Nikolić vakargja kaj sigurno na gndinela kaj problemi krianako ini olake relacie e dženutnipa e EU problemi vaš jekh manuš, partia jase thagarutni, thaj kaj odova čhinadipe soske sarkhe akharena ano konsenzus. Prezidento denga nota kaj majzoralo banduko Srbiako ano maribe vaš arakhibe teritorialno integriteti odova so na ka dol šajipe kokoroanavdi raštra Kosovo te ovol dženutni KN. «Te sine kaj ano odova paćava inI Priština ini maškarthemutni khupatna, a ulavde odola save kerena amenge presia, odola vakeribe ka oven poloke. Gatisardo sim te bahaminav reso savo gatisarde siton, sar so sito statusi Germanengo ani Belgia», vakargja Nikolić ano pučiep siole mi konkretno planiv aš Kosovo kana akharela ano arakhibe

BEOGRAD – Generalno sekretari KN Ban Ki Mun ka lol avdive nekobordiveski turnea ano phuvja Rjaćutne Balkaneske ano save ka vizitinol sa nakhle jugoslaviake republike thaj Kosovo. Vizita ano regioni, e resao te “vakarol vaš olengo semnibe na numa ani Evropa već ini ani lumia” Ban Ki Mun ka lol ani Slovenia kote vaš paraštuj ka voen bešipe e premierea Janez Janša, prezidento Republikako Danilo Tirk thaj prezidentea Parlamentesko Gregor Virant. Vaš luj, 23. juli planirimi vizita ani Srbia kote generalno sekretari KN ka vakarol e prezidentea Tomislav Nikolić, mandatarea vaš khedipe neva thagarutnako Ivica Dačić thaj nakhutne šefea diplomatiako Vuk Jeremić savo e anglojevendesta ka prezdiuinol Generalno parlamentea KN. Avutno dive, ano marsi, 24. julea, Ban ka nakhol ano Kosovo kote ka vakarol e reprezentatorenca UNMIK-eske, maškarthemtune thaj regionalne orgnaizaciengo thaj kosvoake reprezentatorenca, a prekal phenibe KN, planirinela te viztiinol ini Visoke Dečene, manistari telo arakhibe UNESKO thaj Prizren.

BEOGRAD – Ačhimosesko krisi Srbiako avazingja idž eroibe pobut e 300 bialosarde krisutnengo, publikake daviutnengo thaj javerutno publikake daivutnengo save ačhile bi bukja ano procesi realosaribe. Krisi lela eroibe 122 bfialosarde publikake daviutnengo thaj javerutne publikake daviutnengo, thaj eroibe 194 bialosrde krisutne. Krisi odolea anavgja bivaldino pratsav Uče krisesko krisipasko thaj Raštrake šerutnipasko daviutnengo save na lelile komentarja. Ačhimosesko krisi rodinga Uče konsilesta krisipasko thaj Raštrake šerutnipasta daviutnengo ano roki e 60 divengo e lejibata pratsav te inaren ani buti bialsoarde krisutne thaj daviutne.

BRISEL - Prezidento Kosovako Atifete Jahjaga avdive ano Briseli mothavgja kaj manglipe e thagarutnengo ani Priština trin komune ani šudri rig Kosovaki dži avutne lokalno alosaribe te oven “ani thagarutni, adjahar so ka arakhenpe olengo pheribe hakajengo, verifikuime ačhimosea thaj kanuneca Kosovake”. Jahjaga odova vakargja palo vakeribe e prezidentea Evropake konsilesko Herman Van Rompej, thaj vakargja kaj Prištian adžukarala kaj “Republika Srbia ka normalizuinol thaj ka kerol šukar pašutne relacie e Republika Kosovo”, deviba nota kaj odova ka anol tehnie thaj stabilipe thaj ka ovol “ano ačhibe paralelno strukture thaj cidipe kriminali ano trin komune ani šudri rig Kosovaki”. Van Rompej vakargja kaj vaš Priština thaj Beogradi “khupatno zumavipe sa ande haljovbie ano dijalogi Beogradi-Prištian te oven sa realizuime, ulavde kana lafi kotar samatrende thja regionalno maškaribe”.

Beta

Aver artiklia: