Beta PRESS - Novinska agencija

Dikhljaripe e nevipengo ko 12 00h

Tetradji, 19. juni 2013.

BEOGRAD – Prezidento Srbiako Tomislav Nikolić idž ano bešipe e ministrea avrune bukengo Italiako Ema Bonino vakarga kaj Evropako konsili ka kerol baro doš te sine kaj Srbiake na delape data vaš anglalipe e vakeribaso, soske odova perela olake. Sar mothavdo kotar pres servisi prezidentesko Srbia, Nikolić vakargja kaj Srbia kergja sa te lol data thaj kaj ano pheribe e čhinadipasko khonik ulavde nevo na ka ovol vša jekh jase šov masek. „Evropako konsili ka kerol baro doš te sine kaj deviba data na bičhalelape pozitivno signali e Srbiake vaš sa so kerga. Odova semno na numa vaš odova so ando haljoviba e Priština, već ini odoleske so kerde pozitivno badžakia ano adikaribe e tehnipasko thaj stabilipasko ano regioni“, vakargja ov.

BEOGRAD – Italia ka kerol „sa“ e Srbia te lol šuži data vaš anglalipe e vakeribasko kotar integrišibe ani Evropaki unia, vakarja ano Beogradi ministri avrune bukengo Italiako Ema Bonino. Ano pučipe te vakarol kaj Evropako konsili ano bešipie 28. junea šaj te dolpe „zeleno signali“ vaš vakeribe e Srbia, numa na ini te verifikuinolpe data vaš anglalipe e vakeribasko, Bonino vakargja kaj dikhela kaj „na ka ovol nisave angločninadipe“. Oj vakargja kaj vakeribe kotar „zeleno signali“ „šajutni pozicia“, numa kaj odoja „nane pozicia“ e Italiaki. „But semno o raporti Evropaka komisiako te ovol pozitivno, o napja kotar Briselesko haljovibe te oven realizuime, numa kaj ka marape e politika te dolpe data vaš aglalipe e vakeribasko, bi save politikake čhinadipa“, vakargja Bonino e žurnalistenge palo bešipe e ministrea avrune bukengo Srbiako Ivan Mrkić.

BEOGRAD – Učo komesari Khedutne naciengo vaš manušikane hakaja Navi Pilaj denga apeli e Thagarutnake Srbia te vakarol precizno pere prioritetja ano arakibe e manušikane hakajengo ano jekhipe e turvinutnipa lumiaka organizaciake. Pilaj ani konferecia vaš žurnalistenge ano Beogradi vakargja kaj Konsili KN vaš manušikane hakaja ano poro raporti ano januari denga nota kaj Srbia kergja anglalipe ano odova umal. „Phuv kergja kanunesko rami vaš arakhibe e manušikane hakajengo, sar so sito kanuni kotar arakhibe e dizutnengo, stopiribe e diskrimnaciako thaj polesko jekha jekhipe, prmibe došalipaske kanunesko savea dikhljardo došalipe mudaripe e bikamibasta, a šukar so angluno drom ano parlamenti tritono senatorenge džuvlja“, vakargja Pilaj. Oj bahtekergja anglalipe ano keribe e Strategiako vaš maribe opipe diskriminacia ani reforma juridikako krisipe. Oj ušargja buti thaj vakargja kaj efikasno thaj paćaviba vaš arakhibe jekhipasko Nevena Petrušić.

ZRENJANIN – Policiaki direkcia ano Zrenjanin idž mothavgja kaj denga došalipaske lila sebepi konflikti Srbjengo thaj Romengo nao gav Jaša Tomić, uzo Sečanj. Opipe jekh dženo dendo sankciako lil vaš keribe nacionalno, rasno, thaj religiako bijekhipe thaj pedozralipasko adikaribe, a opipe jekh vaš bipaćavbe thaj rumibe šejengo thaj pedozoralipasko adikaribe. Policia mothavga kaj opipe deš džene dende sankciake lila vaš pedozoralipasko adikaribe. Konfliki sine 11. junea a palo maribe e duj grupengo dizutnengo kerde atako pedo kher e familiako Sinko. Ani komuna Jaša Tomić palo incidenti vfakardo kaj na sine lafi kotar maškarnacionalno incidenti.

BEOGRAD – Situacia ani ekonomia e Srbiaki sitoj alarmantno, a maškar majbre problemia siton bilikvidnost thaj birndono pokinibe e dinesko, vkaardo ani Ekonomiaki komora Srbia. Sar vakardo ano khedipe „Sar dži likvidno buti“ baro problemi ekonomiako siotn ini baro udžulipe ani ekonomia thaj fundoni finansiaki bisciplina. Bijkehipe kerena ini gendja themutna banakke Srbia kaj 3. aprilea ani Srbia ano blokada sine 41.357 ekonoiake subjektengo e obligacienca bi kamata 142,7 milijarde dinarja. Direktori Direkciako vaš dikhipe e finansiake instituciengo TBS Djordje Jevtić vakargja kaj problematikane kreditja siton karakteristično vaš sa akava regioni.

BEOGRAD – Sikljovne ani Srbia save agorisarde ohtoto klasi e fundona skolake ka den testi kotar matematika, savo trumimo sebepi biregularnost. Sine planirimo ohtote skolake sikljovne kotar matematika te resen ano mrasi, numa trumimo sebepi Republikaki hramibaskki komisia arakhlja fotokopia jekh testesko. Anglalipe e testesko vakardo vaš avdvie, thaj ka ovol dži 14.00 sahatja. Ohtoto klasi agorisarde 70.385 sikljovne, a ano maskarutne skole si than vaš 80.859. Ohtoto sikljovne dende testi kotar srbikani čhib ano luj.

Beta pobut →