Beta PRESS - Novinska agencija

Dikhljaripe e nevipengo ko 17 00h

Marsi, 18. juni 2013.

BEOGRAD – Prezidento Srbiako Tomislav Nikolić vakargja kaj Srbia kergja sa te pherol čhinadipe vaš lejibe data vaš anglalipe e vakeribasko e Evropaka unia thaj kaj adžukarela pratsav savo ka ovol istoriako vaš phuv. „Srbia kergja sa te pherol čhinadipe save angli oj dende thaj akana sito pedo amen. Ano drom siam tehno savo anglo oj dende čačune džene prekal Evropa thaj prekal peste“, vakargja Nikolić palo vakeribe e prezidentea Greciako Karolos Papuljas. Niklolić denga nota kaj pratsav e liderengo EU kotar data vaš Srbia ka ovol signali sito mi Srbia rodime te ovol kotor evropaka familiako jase na. „Adžukara kaj amaro amalipe prekal dsaive dženutne EU ka ovol inardo adjahar so Srbia ka ovol ola šajipe te arakhol pere dizutnenge pošukar djivdipe thaj pošukar avutnipe“, vakargja prezidento Srbiako.

BEOGRAD – Prezidento Greciako Karolos Papuljas vakargja ano Beogradi kaj Grecia zorale dela dumo kotar integrišibe e Srbiako ani Evropaki unia thaj devibe data vaš angalipe e pašipaske vakeribasko. „Integtrišibe e Srbiako ano amaro khupatno kher ka ovol semno vaš sa regioni“, penga Papuljas e žurnalistenge palo vakeribe e prezidentesko Srbiako Tomislav Nikolić. Ani khupatni konferencia vaš žurnalistenge ani Palata Srbia, Nikolić e Papuljaseske naisargja sebepi „devibe dumo thaj principielno bahami e Grecako kotar Kosovo“. Prezidento Greciako avdive ani vizita e Srbiake vakarela ini e premierea Ivica Dačić thaj prezidentea Parlamenbtesko Nebojša Stefanović.

BEOGRAD – Vaš avdive planirimo devibe džanibe kotar testi e matematikako ano rami „tikni matura“ trumimo vaš tahara, soske hramibaski komisia astargja fotokopije e resjenge jekha kombinaciake, vakargja raštrako sekretari ministribasko e edukuibasko Zoran Kostić. „Astargjam fotokopije jekhe testeske taj dikha kaj kotar odova alo dži peravibe regularnost e pučipasko maj angle regularno poenia thaj dikha kaj odova čačuno pratsav ano interesi e čhavenog, dadengo-dajengo thaj savorengo“, vakargja Kostić vaš RTS. Ministri edukuibasko Žarko Obradović manglape te ikalol jekh e trin kombinacienda e pučipaske, save sine vakarde vaš avdive ano 10.00 numa kaj sebepi peravbe regularnost sikljovne tahara e 12.00 dži 14.00 ka resen rezervno testi.

BEOGRAD – Prmibe e lilavne sasljaribaske dokumentengo elektronsko sasljaribaske ka lolpe ano juli akale beršeste, a sa dizutne Srbiake manglape te len neve sasljaribaske dokumentja dži agor e 2015. beršeskjo, mothavdo kotar Republikako fondi vaš sasljaribasko siguripe. Neve sasljaribaske dokumenta ka den ašjipe vaš poefikasno sasljaribasko arakhibe, olengo verifkkuibe kaj poloke ka oven sig bti vaš sasljaribaske butikereutne thaj na ka ovol šajipe vaš bilačhoistemalkeribe, a sa personalno gendja save ka oven ani kartica ka oven arkahle, vakardo ani konferencia vaš žurnalistenge ano savi direktori RFIS Momčilo Babić thaj direktori Institutesko vaš keribe lovengo Mirko Petrovć hraminde haljovibe kotar keribe kartice. Prmibe ka ovol ano duj faze thaj odova e julesta dži septembri, kana dikhljardo pilot projekti vaš savo ka ovol ulavdo 80.000 elektronsko sasljaribaske kartice ani Filijala RFIS vaš Kolubarsko regioni, dži kaj e oktobaresta akale beršeste ka ovol ulavde vaš sa Srbia.

ŠABAC – Krisipe vaš suspenduimo rašaj Branislav Peravnović, došalutno vaš mudaripe e dženosko savo sasljarlape sine ano centri e drogata, Nebojša Zarubac, agorisardo avdive ano šabačko Učo krisi. Šerutnipe e pandž krisutnengo kotar doš ka vakarol ano paraštuj, 21. junea, ano 13.00 sahatja, vakardo e Betake ano krisi. Paluno dive e krisipasko, palo pana avazipe e bahamengo, agorisarde lafia dende advokatja daviake thaj arakhibaske. Kotar poro procesi vakardo ini Peranović thaj denga lafi pedo Devlikano lil kaj na sinole rodipe te mudarol dženo kotar poro centri.

BEOGRAD – Reprezentatoria Evgropaka uniake thaj OEBS-eske hraminde ano Beogradi haljovibe e 4,8 milionia evra vša realizacia Strategiaki Thagarutnaki Srbia vaš barjaripe pašljoibe e Romengo. Šefi delegaciako EU ani Srbia Vensan Dežer vakargja kaj EU thaj Evropaki komisia siton interesuime vaš barjaripe pašljoibe e Romengo thaj vakargja kaj ano palune berša EU ani Srbia vaš odova ulavgja 15 milionia evra. Dežer vakargja kaj Delegacia EU ani Srbia siola maškiaribe e sa komunenca ano arakhibe bešipasko vaš uškavdo gendo dizutnengo. Dežer haljovibe hramingja e šefea Misiako OEBS ani Sria Peter Burhard ano jekhdivesko seminari „Socijalno integrišibe e Romengo thaj Romanicengo ani Republika Srbia“. Putariba odova semninari teloprezidento Thagarutnako Srbia vaš evropake integracie Suzana Grubješić vakargja kaj o Roma maškar majuškavde amalipaske grupe siton ani Srbia.

Beta pobut →